尋日《蘋果日報》話收到讀者曾先生「爆料」，話下午三點行山嗰陣經過山頂白加道政務司司長官邸，發覺側窗就掛住一面英國旗。曾生就覺得身為特區政府官員，喺官邸掛英國旗就好搞笑。《蘋果》見到一個咁好嘅抽水「機會」點會錯過？即刻出即時新聞，標題就係：「林鄭戀殖？官邸高掛英國旗」。
不過呢，嗰度根本就唔係政務司司長官邸，《蘋果》後來都知道自己錯咗，立即更正，喺即時新聞最後一段嗰度提到，嗰幢建築物係白加道17號，係高級公務員宿舍，而唔係隔籬嘅白加道15號政務司司長官邸。標題都改為「邊位高官戀殖？宿舍高掛英國旗」。
