圖：吳秋北拍片教大家整有福建特色嘅五香卷嚟應節 網上圖片
冬至、聖誕接踵而至，大家有無準備一啲美食應節呢？工聯會理事長吳秋北不時都會通過Facebook，分享幾味佢家鄉嘅福建小食。佢近日再開「秋北廚房」，教大家整有福建特色嘅五香卷嚟應節。只見佢以豬肉、馬蹄、洋葱、乾蔥為餡，用腐皮捲住，經過先蒸後炸，再配上絕配酸蘿蔔，鄭晴隔住屏幕都覺得香啊。除此之外，秋北仲上載咗一張一筒薯片嘅相，話「冬至、聖誕有五香卷，鬍子薯片未能大派用場！」呢度似乎係一語雙關，大家心照啦。
