波哥上載20歲青澀照
大公網12月20日訊 （記者 龔學鳴）保險界立法會議員陳健波（波哥）係今屆立法會開始先開設Facebook賬戶，但就十分活躍，唔單止教後生仔投資理財，最近仲教埋健康養生。佢近日上載一條短片力sell杞子明目，話自己二十幾歲仔就已經有八百度近視，但近幾十幾年日日對着電腦工作，眼睛都無大問題，原因就係每日都飲杞子水。波哥仲附上自己仲係波仔個陣，二十歲嘅青澀相為證。
波哥當然亦都即場傳授咗四十幾年嘅明目經驗，就係每日準備約20粒杞子，沖洗乾淨，之後放入保溫瓶用熱水焗10個鐘，令杞子完全發揮出功效，最後連渣食埋，就可以做到清肝明目。
