大公網10月19日訊（記者龔學鳴）俗語說：「不聽老人言，吃虧在眼前」。青年新政嘅梁頌恆同游蕙禎，喺上周二宣誓果陣將辱華當創意，結果引起公憤，而家都仲喺候任議員。到咗呢個地步，反對派喉舌《蘋果日報》先至發現，《大公報》早喺宣誓前一日就已經引述權威消息人士作出警告，叫班「泛民」議員唔好「玩嘢」，如果唔喺就只能「長期候任」。但是無人聽，而家咪衰咗囉。
唔睇報紙損失仲唔止一個，梁、游話律政司前日做司法覆核是搞突襲，其實亦都唔喺，《大公報》喺上述同一篇報道中都講到明，政府早就做好咗訴訟準備。如果兩人事先睇咗，提早做好準備，又點會搞到措手不及啊？事實證明，後生仔做人都喺應該謙虛哋，睇多哋報紙，先唔會行咁多錯路。
