圖：梁美芬最近出咗本新書，仲打算下周三搞發布會
經民聯立法會議員、執業大律師梁美芬最近又出咗本新書，書名叫《香港基本法：從理論到實踐》，仲打算下周三搞發布會，分享下佢見證基本法由協商、起草到頒布嘅歷史進程。
美芬同鄭晴講，呢本書花咗佢近十年嘅心血，佢第一本有關基本法的著作喺2007年用英文出版，當佢送畀恩師、原基本法草委許崇德教授時，對方非常讚賞，並鼓勵佢寫中文書。但令人好可惜嘅係，前年美芬恩師逝世時，呢本中文書嘅最後兩章仲未完成。美芬又話，作為唯一一個到北京師從許教授嘅香港學生，覺得好驕傲，希望用呢本書報答佢多年嘅鼓勵同訓勉。
美芬呢本新書又獲得另一基本法草委廉希聖教授寫序推介，廉老就大讚呢本書好詳盡咁分析回歸以來香港法院有關基本法嘅重大判決，又提出香港嘅普通法應該點樣同中國法更好咁發揮協同效應，連佢都深受啟發。
鄭晴就覺得，美芬好應該將本書送畀一啲立法會「新丁」議員，等佢哋都可以惡補下基本法。
