繼韓國大片《屍殺列車》上映之後，本港新晉武打巨星夥拍動畫大師及昆蟲界鉅子，推出最新微電影！呢套就係《污糟鬼殺列車》啦！
唔好以為鄭晴發緊夢，講緊嘅係清潔龍阿德又有新搞作，阿德同老竇拍咗套片長20秒嘅新片。片入面佢同老竇畀一大班「小強」同垃圾追殺，老竇為咗唔畀阿德感染污糟壞習慣，一個打十個，重點係想寄語各位家長，污糟壞習慣會傳染小朋友㗎。
阿德仲喺facebook話「睇完你實會想做個好榜樣，教好下一代嘅！」有網民就大讚短片，「你爸爸咁英勇，唔like都唔得啦！」
