圖：完成長達六日的作供後，羅老太昨日在家人陪同下乘車離開/大公報記者 趙建強攝

　　【大公報訊】記者趙建強報道：羅氏爭產案第十日，鷹君（00041）創辦人羅鷹石遺孀羅杜莉君（羅老太）終於完結其長達六日的作供，她作供時再指羅嘉瑞「獨權」，又為孻仔羅啟瑞被踢出董事會而落淚。鷹君發言人回應稱，鷹君乃上市公司，一切公司決定須由董事會及股東大會決定，而不是由單一股東或個人所決定。

　　收回辦公室 秘書被炒

　　羅老太在庭上指，「而家最細，第九嗰個（羅啟瑞）畀佢（羅嘉瑞）踢出董事會，嘉瑞又唔肯畀啟瑞喺鷹君建築公司做生意，乜嘢都趕扯（趕走），佢都係羅家一分子，點可以都趕扯，喺鷹君連辦公室都無」，說完即抹眼淚。羅啟瑞聞言對母親的證言微笑點頭，休庭後又透過公關透露，其於鷹君的辦公室已於離開董事會後被收回，而於鷹君的私人秘書亦被辭退。

　　余若海在提問時，重提2016年1月羅老太所發的意向書，羅老太補充指，其後滙豐信託Paulina Lau約老太會面，但又提出不可以帶律師同行，「後尾阿嘉（羅嘉瑞）話係佢吩咐滙豐，唔可以帶律師，所以會議取消。我覺得羅嘉瑞權力大過我，叫佢（滙豐）做乜就做乜，所以寫信去叫滙豐畀返啲財產我」。

　　余若海又提到，於2016年2月15日，老太連同五名子女去信滙豐，認為Paulina Lau不適合管理羅家信託，要求滙豐撤換Paulina Lau，老太稱，「不過滙豐唔聽」。至於早前滙豐方面曾播放過4月12日，Paulina Lau致電老太的電話錄音，老太先說「無，好少同佢講電話」，但余若海再提到當日老太肚瀉，老太就記得「當時我肚痛又肚瀉，同劉小姐對唔到話」。

　　另外，余若海詢問老太是否知道羅孔瑞、旭瑞、啟瑞、鴻鏇、慧琦等子女，均曾去信滙豐，支持母親取回財產，羅老太均稱「唔知」、「我而家咁鬼老，識乜鬼呀」。但她指，「慧琦都走咗去嗰邊，梗係有利益關係」。

　　代表律師完成提問後，法官特別向老太查問，於第二日作證時，老太曾提及不明白為何口供紙內有「瑞安」字樣，又稱「無睇過，唔知邊個準備」，但為何向余若海確認看過內容才簽名，羅老太稱「簽名就有，但內容唔記得，咁鬼耐」。

　　至於簽名前是否有人解釋過口供內容，她則答「都無聽過，點解會簽都唔記得」。老太又表示，「我都唔記得入面啲嘢，都未聽過，瑞安地產，都未聽過」。