大公網5月12日訊(記者梁穎賢)新地(00016)屯門御半山打響5月新盤戰頭炮。市場消息指，今日首輪發售的188伙，截至今午近四時，由429號籌埋單，即日一Q清，以市值計套現逾11億，發展商積極研究今晚加推。
項目今早分A及B組兩輪揀樓，市傳A組錄得4枱客共掃入9伙，最大手一組以約1800至1900萬元買入3伙。其後輪到B組報到，人龍一度由大堂屈落下一層再兜一圈排落停車場，相當墟冚，估計高峰期過千人迫爆ICC(售樓處地點)，大量一家大細手推嬰兒車及三代同堂到場揀樓，可見用家居多。
B組報到時間原定由12點至1點，因太多客需時處理登記關係，同時又要即場再抽籤決定揀樓次序，揀樓時間順延至二時打後，揀樓流程流暢，基本上扣除A組售出的9伙，可售伙數179伙在不足兩粒鐘搶清。
人龍排落下層(大公報記者梁穎賢攝)
御半山龍頭在大堂集合登記(大公報記者梁穎賢攝)
再屈入天際100票務大堂(大公報記者梁穎賢攝)
再轉入地面停車場(大公報記者梁穎賢攝)
