大公網8月22日訊(記者梁穎賢)英皇(00163)每次有樓盤開賣，都會搵旗下藝人造勢宣傳，今次開賣的長沙灣喜遇亦唔例外，搵嚟情侶檔的洪卓立及友湯怡拍住上，再與魔術師用扭計骰變出樓盤定名，洪卓立客串魔術師助手兼自己變埋一份，最後當然變唔到啦，都幾搞笑嘅!
洪卓立話，本身有打算置業，但小市民計唔到樓價走勢，現時考慮兩人夾份買樓，兩人一齊買較易上車，目標市區單位。而其女友湯怡的心水愛巢，認為兩房是基本條件，吉出的房間可用作帽間，另獨立廚房一定要有。
洪卓立與湯怡情侶檔，為喜遇宣傳(梁穎賢攝)
