張國鈞派曬波飛，自己都無得睇！
大公網6月7日訊 民建聯張國鈞(Horace)鍾意健身就好多人都知，但係佢其實都好鍾意足球，好似之前英超熱刺對傑志嘅賽事佢都有去捧場架！嚟緊英超又有四支球隊嚟香港踢亞洲杯，身為香港足球總會上訴委員會嘅佢，成功認購兩日球賽各12張飛，不過因為好多朋友都問佢攞飛，結果唔小心派曬，連自己都無得睇！
雖然無得睇波，不過張國鈞仲鍾意踢波。Horace廿幾歲嗰陣已經同朋友組咗隊足球隊，每年都會同南華元老隊過招，最近先踢完嚟。Horace話嗰日比賽俾對面隊「大數」六比一，但對方陣容有唔少以前嘅風雲人物，佢志在同明星踢嚇波，贏輸都無咩所謂！
講起綠茵場上嘅往事，Horace話自己以前曾經成功一次喺前港隊腳下搶到波，可惜因為場地唔靚，接近埋門個波着地時彈開咗，令佢大嘆可惜。
