2016年香港廣告開支下跌13%，當中電視、收費報紙和雜誌的廣告收入跌幅最甘，這情況都直指一個事實，就是傳媒難撈，紙媒就更加惡啃。
上市傳媒公司的股價慘不忍睹，壹傳媒（00282）最新股價0.36元，相比2007年近4元水平，大跌91%；星島（01105）算有交代了，最新股價1元，比十年前升咗十幾個巴仙，11年更曾經炒過上2.75元，做免費報紙一哥就有呢個優勢。
傳媒業衰足十幾年，幾時有翻身之日呢？相信就真係幾渺茫了。不過紙媒自救或吊命的方法之一呢，就係學鬼佬大幅加價，一份報紙賣10元，甚至12元。之但係只有專業報紙才有可能做到啦！有見及此，經濟日報（00423）睇高一線。
