圖：蔡一傑（右）對樓盤星漣海甚感興趣，相當留心聽書
【大公報訊】記者梁穎賢報道：三盤低開合演大戰，火藥味燶，連藝人也被吸引。市場消息，星漣海示範單位昨日以VIP形式開放，招呼早前參觀其路演獲派優先參觀權的貴客，示範單位內驚見架上黑超的樂隊組合草蜢主音蔡一傑，在樓盤模型前由營業經理楊桂玲親自講解樓盤資料，蔡一傑非常留心聽書。
星漣海首日開示範單位，吸引不少睇樓客捧場。劉先生認為星漣海開價「還可以」，睇中附近有沙灘比較鍾意「佢個海景」，所以本身住市區的他，更想遠離市區。雖則樓價高企，但劉先生認為難下跌，始於外資太多，港人又有錢買磚頭，所以無論政府如何加辣也阻不少資金流入樓市。對於有機會息口上調，劉認為只要「供得掂」無問題，「最多辛苦啲，自己勤力啲」。
另一睇樓客馮先生坦言，樓價太高，但「唔知點解仲有得升」，本身住馬鞍山，有意於同區換樓。對於星漣海三房入場費要九球，屬偏貴，不過先作初步了解。
