陳先生：加息難阻樓價升
華懋「省招牌」的將軍澳海翩滙，以平價招徠不少向隅客「翻兜」，多個失落首輪的買家今日抽中前籌，得償所願。現居於將軍澳的陳先生，上周首輪開賣未能中前籤，今次再入票，終抽中25號籌，以600多萬元買入兩房投資，認為價錢OK。美國可能本月加息，或對樓市有影響，陳先生直言，香港地皮供應不多，加息也阻不了樓價上升，長遠睇好樓市。
陳女士：鍾意個盤無諗錢
居於同區的陳女士，今次已是第二次抽海翩滙，幸運地抽中前籌，於是斥600多萬元買入五座園景兩房戶，打算收租。她笑言「鍾意個盤，又無諗過呎價幾錢，望住個花園好似住花園屋咁！」之前有抽過其他新盤，如屯門豐連及馬鞍山薈朗，但抽不中，其他新盤如東九啟德1號及元朗Grand YOHO太貴負擔不起。被問及會否擔心加息影響樓價，陳女士笑說：「唔驚，因為我借好少錢。」預算只借兩成半至三成按揭。她又稱，已一把年紀了，所以買層樓收租養老，希望未來樓價平平穩穩。
