今天輯錄數段對話，讓大家了解「二叔公」及「二叔婆」一詞出現之語境。

　　（一）

　　夫：老婆，個廁所塞塞哋，搵個師傅上嚟搞搞佢啦！

　　妻：使乜啫，搵隔籬「二叔公」咪得囉！

【夫：老婆，那個廁所有點淤塞，找個師傅上

　　　　來弄弄它罷！

　　妻：不用呢，找隔壁「二叔公」便可以了！】

　　（二）

　　母：婷婷，鹽用曬嘞，去買番啲返嚟喇！

　　女：唔使喇，過隔籬問「二叔婆」攞住啲用

　　　　咪得囉！

【母：婷婷，鹽用完了，去買點回來罷！

　　女：不用了，到隔壁問「二叔婆」先拿點用

　　　　便可以啦！】

　　（三）

　　女：咦，嚿糕邊個送㗎！

　　母：咪「二叔婆」囉！

【女：咦，這件糕是誰送的？

　　母：不就是「二叔婆」咯！】

　　（四）

　　父：婷婷，聽日幫我去買廿個個七郵票返嚟。

　　女：「二叔公」日日飲茶都經過郵局，我叫

　　　　佢幫我搞就得嘞！

【父：婷婷，明日幫我去買二十個1.7元的郵票

　　　　回來。

　　女：「二叔公」每日飲茶都經過郵局，我叫

　　　　他幫我辦就行了！】

　　（五）

　　夫：話時話，佢哋都係搬咗嚟冇耐，咁快就

　　　　同人哋咁熟？

　　妻：佢哋好好人㗎，咁咪好容易熟囉！

【夫：話說回來，他們都是搬來了不久，那麼

　　　　快就和人家那麼相熟咯？

　　妻：他們對人很不錯的，那便很容易熟絡了

　　　　！】

[「二叔公」之一]

香港資深出版人 梁振輝