自由黨立法會航運交通界議員易志明表示，現今社會上有很多60歲甚至70歲仍然體魄壯健的長者，但對於年滿70歲駕駛者需要做「體格檢驗」一事，他認為不能降低門檻，相反較早前「申訴專員公署」有報告指出，體格檢驗內容過於寬鬆，應相對加強要求，因為始終牽涉道路安全問題。易志明建議，提高檢驗要求，必要時由政府提升資助。
增免費驗身名額
「好似公營巴士公司咁，因應不同年齡司機有不同驗身要求，呢方面做得好好。當然，公司能否承擔一定費用係另一個問題。其實運輸署都有舉辦《至fit安全駕駛大行動》，透過一連串推廣活動，加強商用車司機對安全駕駛及個人健康嘅關注。其中一個重要訊息，係宣揚商用車司機健康重要性，同埋提供免費身體檢查畀在職商用車司機，可惜名額有限。所以作為公共交通提供者嘅政府，應該考慮擴大活動，加強體檢種類涵蓋性。」
易志明又指出，因疫情關係，很多自僱司機收入減少，政府可考慮提供資助，增加吸引度，因為始終道路安全比較重要。
