圖：電子消費券注意事項：

　　【大公報訊】記者方學明報道：全港630萬名合資格的市民，今日起可領取2022年消費券計劃第一階段的5000元電子消費券。有酒樓表示，第五波疫下入不敷支，希望借助消費券，增加收入，經營止蝕。有電器舖出奇招，讓較早前以現金訂貨市民，今日起可以消費券買貨，並退回訂金。

　　「一至四月蝕住做，如果唔係為咗班員工繼續有工開，唔捨得間酒樓，唔捨得班街坊，我哋老細可能早已經將酒樓執咗。」在葵興某酒樓任職多年的葉先生形容，近月酒樓生意之差是慘不忍睹，幸好店東顧念不想酒樓暫時停業，才苟存繼續經營。

　　今天政府派發電子消費券，葉先生說，為迎接這個「大日子」，酒樓近日特別新增八達通付款方式，「我哋啲客以老人家為主，佢哋好少用電子消費券，所以一直無誘因搞八達通收費方式，但我覺得真係唔可以唔裝啦，唔裝會落後，賺少好多錢，所以日前同老細提出，一定要裝八達通，至少賺返用八達通畀錢嘅客，令我哋唔好捱得咁辛苦。」

　　電器舖奇招　先預購再退訂

　　大公報記者昨到九龍城街市觀察，發現不少商戶已提供多種電子付款方式，當中以提供八達通付款最普遍。

　　「自從上年派錢（電子消費券）後，係有一段時間好多人用電子付款，但過完，市民又用返現金，不過而家政府再推電子消費券，我哋梗係要攞返部八達通機出嚟。」雜貨店東黃小姐直言，不要以為長者不懂使用電子消費，以她去年觀察所得，使用現金付款較多反而是年輕一輩。

　　有電器店職員為吸引市民提早使用消費券，建議客人昨日先現金預購產品，待今日領取消費券後，退回早前繳付的訂金。