圖：深水埗鴨寮街電話卡檔戶表示，不擔心實名制落實後生意受影響。

　　「我覺得好困擾，明明我係苦主，點解我好似對犯法嘅人束手無策？」被網上起底後，長期遭受電話滋擾的梁先生，被騷擾至精神衰弱。對方使用俗稱「太空卡」的智能電話卡，由於「太空卡」一般是匿名的，全無登記資料，他報警後也未能把滋擾者繩之於法。對於政府擬就「太空卡」訂立實名登記制，梁先生「舉腳贊成」，炮轟反對實名制的人是助紂為虐，置受害者的感受於不顧。\大公報記者 方學明（文／圖）

　　「如果可以，我真係想將嗰班無聊人捉曬，我相信佢哋知道自己做嘅嘢係唔啱，如果覺得無問題，使乜超過一年不斷用太空卡號碼滋擾我？」梁先生是一名司機，年多前因為瑣事與一班青年爭執，其後個人資料包括姓名、手提電話號碼等被人在網上發布，他從此遭受一幫人電話滋擾。

　　曾一晚收逾30個來電

　　「佢哋唔止一個人，我估有四、五個人一幫啩，有時半夜三更打嚟，之後大叫，有時好似機關槍咁連珠炮發，不停咁打。佢知道我唔聽無來電顯示電話，之後就索性用曬太空卡。」梁先生說最嚴重時，曾經一晚收到超過30個滋擾電話，他因為長期被人電話滋擾，導致精神衰弱。

　　「我覺得好困擾，唔知邊個人跟蹤我，唔知邊個人監視緊我，對周圍每一個人、每一樣嘢都好懷疑。」他曾經報警，但由於對方使用沒追蹤功能的「太空卡」，至今未能將一干人繩之於法，「覺得好無奈，明明我係苦主，點解我好似對犯法嘅人束手無策？點解無嘢可以保障我不受滋擾？」

　　梁先生說，曾考慮更改電話號碼，但這個是「搵食」號碼，擔心更改後會失去熟客來電，而且他不甘心向惡勢力低頭，所以打消念頭，「我無做錯，點解我要因為啲無聊人，改變我生活習慣？」

　　嚴重罪行七成用「太空卡」

　　政府正就「太空卡」推行實名登記制進行公眾諮詢，諮詢期至3月20日。對於政府的建議，梁先生十分贊成，「當然好啦，至少可以杜絕一班專門玩電話嘅無聊人，如果制度實施咗，我唔會再怕佢哋，佢哋一打嚟，我即刻報警。」他認為反對建議者是埋沒良知，非常無恥，「佢哋（反對者）講咩保障秘密通訊係人權；我想問，我嘅人權邊個保障？（佢哋）簡直大話連篇！」

　　商務及經濟發展局在公眾諮詢文件中指出，截至2020年8月，全港有超過2090萬名流動電話用戶，56%用戶使用「太空卡」。但匿名「太空卡」讓不法之徒得以隱藏真正身份，逃避追查。根據警方資料，涉及嚴重罪行的本地智能卡，約七成是使用「太空卡」。過去三年，涉及流動電話的騙案，近七成也是使用「太空卡」。