【大公報訊】「平時聽開電台新聞，不過啲嘢唔會好詳細，只係簡單幾句重點，有時仲要用電腦上網聽返，先知仲有邊啲地方有確診者。」64歲的視障獨居長者祥叔沒有智能手機，長期依賴收音機來接收外界資訊，會收聽新聞和時事節目，掌握本地疫情動態和防疫措施，惟聽到的訊息精簡，加上讀屏軟件不能將用圖片表述疫情的資訊轉化為聲音，「唔能夠幫到我解決實際問題」，他認為政府發放訊息時應關顧失明人士的需要。

　　只靠讀屏軟件了解疫情

　　祥叔習慣在出門前打開收音機，收聽天氣報告，並順帶了解當日疫情狀況，惟內容並不詳盡，「七月慈雲山爆疫，嗰陣時我都唔敢去嗰度，個半月電台新聞嘅關注點淨係慈雲山，唔會講嚇其他有爆疫嘅地方，我都想知有無其他高風險地區」，他只好再用電腦上網找網頁新聞，「我哋聽新聞同健全人睇新聞差唔多，係用滑鼠點擊，我就用鍵盤點擊」，配合讀屏軟件將文字轉化為聲音，如同有人為他讀報般，「而家好多疫情資訊唔係文字表述，好多都係圖片，但軟件唔識圖裏面啲字，讀讀嚇中間有一段空白咗無聲」，有時又會遇到上下文無邏輯順序，軟件讀字「跳嚟跳去」，不能理解整篇新聞。

　　「今日多咗幾多宗確診、政府派一萬蚊，好多時只係讀咗個標題，再配三四句就係一段新聞，好似派一萬蚊，齋講網上登記，咁我咪用電腦上網聽返有無其他嘢，原來仲有銀行同郵局拎表格」，祥叔領取表格後，由盲人中心職員代填寫，「唔係我做多一步，就真係咩都冇」，他指與疫情相關的訊息不全面，他不知道如何獲悉政府的防疫訊息，如家居清潔資訊亦是依賴盲人中心錄製。

　　在疫情爆發之初，祥叔亦有遇到口罩短缺問題，他說新聞是有提及供不應求，甚至市面上出現假口罩和劣質口罩，「新聞話藥房口罩信唔過，又無官方資訊教我買有品質保證嘅口罩，真係唔知點算」。他不敢亂買口罩，但重複用口罩會影響過濾病毒效果，「只係戴一兩小時，會將口罩掛喺窗邊，諗住撐多幾日」。

　　祥叔表示，從電台獲得的疫情訊息是有限的，如已確診大廈、街市、超市等詳細名單，「呢啲訊息好緊要，萬一出街避得就避，但喺收音機度聽唔到」，他不知道如何上網找來聽，亦會直接向盲人中心查詢。