喺內地生活嘅港人，其中一個煩惱就係醫療問題。譚鳴得知，早前工聯會爭取港人可以在大灣區買醫保，正式落實咗。究竟喺廣東工作、讀書、生活的港澳人士如何享受醫保待遇？等譚鳴同大家解釋下啦。
呢個係工聯會繼社保後，另一建議得到落實。廣東省醫保局強調，措施係為落實《粵港澳大灣區發展規劃綱要》。根據佢哋喺官方微信嘅資料，喺廣東就業嘅港澳人士，根據《社保法》等相關法律規定，與內地用人單位建立勞動關係的港澳籍人員，可依法參加職工基本醫療保險；港澳籍職工與內地職工可一視同仁依法享有醫療保險待遇。喺廣東讀書的港澳「學生哥」，根據有關規定，港澳學生可在就讀地參加城鄉居民基本醫療保險，享受同內地學生同樣的政府補助和醫保待遇。至於持內地居住證的港澳居民，由2020年1月1日起，可在居住地按規定參加城鄉居民基本養老保險和城鄉居民基本醫療保險。
更重要嘅，係譚鳴留意到，兩地為咗打破機制障礙，香港長者可以使用香港的醫療券，支付在港大深圳醫院指定科室提供嘅門診醫療護理服務費用，並會由香港衞生署自動與港大深圳醫院結算。所以話，大灣區真係好快咁推動融合，就連醫療券都可以跨境使用，認真方便。
