圖：有市民亂扔煙頭，苦了一班清潔工
【大公報訊】暴亂七個月，外判清潔工工作量大增，有清潔工向記者「大吐苦水」說：「都要做㗎！人得咁多，但人工一樣，周圍都係垃圾，仲要畀人指指點點話點解有垃圾唔掃，我反問不如你嚟做吖！我都希望多啲人做，加多啲人工，但冇，可以點！多謝暴徒囉。」
今年70多歲周婆婆（化名）是一名外判清潔工，負責太子區一帶街道清潔工作。她說，最討厭的就是清理一大堆暴徒留下的煙頭。「每次暴亂完我就最驚。預咗暴徒周圍掉垃圾，但大件嘅都話可以用掃把掃走，但煙頭最衰，一定要用手逐粒執。」周婆婆直言，每次執起煙頭都有嘔心感覺，質問暴徒「有無良心？」
周婆婆稱，以往有垃圾桶時工作較輕鬆，但自從食環署收起垃圾桶後，工作變得困難，亦變得繁重。
「我哋除咗要收返啲垃圾袋外，仲要執埋垃圾蟲亂掉嘅垃圾，垃圾乜都有，有廚餘餸汁，漏出湯汁飯盒等。」她坦言，最近兩個月衛生環境確較以前差。
