攬炒派政棍真係不知悔改，早前騎劫區議會，呢排又濫用公共資源荼毒學生。近日有傳媒記者發現，過去一星期，本港多區出現多個由「學生組織」發起嘅煽暴活動，當中包括街站、高調開記者會等。但點知原來係部分攬炒派政棍暗中督師策劃新嘅「學生組織」，仲要係從「已死亡」嘅「港獨」組織中衍生出來，小頭目多為十五六歲的中學生，讓中學生充當「扯線公仔」，繼續鼓吹「港獨」，煽動「以武抗暴」，推一班不諳世事嘅中學生出來做「炮灰」。
呢啲攬炒派政棍就係睇中學生「未夠秤」(未成年)而故意推佢哋上街頭叫囂，認為一旦被追究或可以逃避刑責，佢哋又點會拋頭露面明目張膽反中央、反特區政府，緊係選擇退居幕後做「軍師」，就好似曾多次發表激進言論嘅攬炒派中西區區議員梁晃維出現喺街站附近，唔單指監場督陣，喺擺街站期間，有巡邏警察走近了解情況時，佢又負責擋駕，又同警員周旋。翻查資料，原來梁晃維因去年7月參與攬炒派所謂嘅「初選」，涉嫌違反香港國安法被捕，呢啲人真係惡性不改!
