近日網上流傳，科大社會科學鍾士元講座教授李靜君喺今年五月出席「美國香港民主委員會」(HKDC)網上論壇時，聲言「香港不屬於中國」，令人嘩然。同場嘉賓仲有有前香港眾志秘書長黃之鋒、非法「佔中」發起人戴耀廷，主持論壇的是HKDC行政總監、現時因觸犯香港國安法被通緝的朱牧民，一起討論香港國安法推行會否摧毀「一國兩制」。根據翻查資料發現，成立於2019年的HKDC，就係香港人權與民主法案嘅幕後推手，「宗旨」係勾結美國勢力，從而支持「香港自主」，李靜君仲要係HKDC成員。一向言論大膽嘅佢仲於2017年與幾十名學者發起以「支持港人對港獨可自由發聲 捍衛言論及學術自由」為題嘅大專學界聯署。對於李靜君的「港獨」言論，唔少市民都希望警方及教育局要處理。亦引起網民怒批，周杜比喺網上留言：「教育局及警方應即立案調查。」Carrie Yip就話：「係時候清理大學『獨』教授。」
