圖：日前一輛掛上「T牌」的現實版「食雞車」現身大欖隧道
注意！注意！「食雞」車出沒大欖隧道！
近期大熱的手機遊戲《絕地求生》（PUBG）掀起一股「食雞」熱潮，玩家狂熱程度，甚至將遊戲物件帶到現實。有網民發現，一輛與遊戲中極為相似的戰車出現在大欖隧道，並掛上「T牌」試車車牌，吸引其他車主及網民目光。
掛「T牌」惹遐想
從網上的相片及影片所見，早上約10時45分，在大欖隧道往九龍方向發現該架造型奇特的小型爬山越野車，車內有兩座位，車身主要以鐵支組成，兩旁以帆布及透明膠包住，車頂有四盞燈，車尾有一個後備軚，車尾後面「T牌」，估計正在試車。鄭晴睇完張相都「O曬嘴」，真的激似《PUBG》內的小型越野車。
相片在網上瘋傳，引起大批網民熱議，有人留言話「呢架我在『食雞』揸過」，其他留言還有：「唔揸車走，生存區一收細，好易死架」、「有冇撳shift加速？」以及遇到遊戲中的提示「你被載具擊下」等，創意十足。
有網民的分析比較科學，估計該車牌子可能是Ariel Nomad，在外國甚為流行，但由於該車掛「T牌」行駛，質疑是「偷雞揸出街」。偷雞食雞⁈
