福祿壽合體放笑都是感性之人

　　大公網3月9日訊(記者陳惠芳)王祖藍、阮兆祥同李思捷這個「福祿壽」組合，於紅館演出三場。昨晚首場。於尾聲時三人相擁，除思捷外，二人都流下眼淚 福祿壽扮完英雄又扮廣告，王祖藍更穿上大戲衫，同班小朋友一齊耍纓槍，大唱汪明荃歌。祥仔扮早前成功於日本翻hit的《跳舞街》。祥仔之後同陳國邦、羅敏莊囡囡陳禛合唱《廣播道Fans殺人事件》，陳禛好唱得，識得rap歌，觀眾反應很好。臨唱完還錫祥仔面頰。福祿壽再同台合唱《傷感的戀人》，邊唱邊介紹嘉賓原唱的黃凱芹（Chirs）出場，四人一齊合唱。接着到嘉賓關菊英出場，同李司棋和祥仔三人台上吹水，然後到菊姐唱《講不出聲》。 

​福祿壽合體放笑彈

　　完騷後王祖藍、李思捷同阮兆祥一齊接受訪問，祖藍透露昨日早上7點才由維也納拍完大陸節目趕返港，非辛苦曬！提到臨近尾聲時，祖藍同祥仔眼濕濕，思捷話：「我都想，見他們這樣子，但一喊收不到，所以即刻啜眼淚落去，然後同大家講，不如攬攬啦。」三人百感交集，記者問下次開騷快？定祖藍生小朋友快？祥仔透露會繼續做巡唱，祖藍搞笑話可以雙喜臨門，還想定兒子名字：「生仔就叫王思祥、王福祿或王祿壽，不過我講啫，老婆不准。」 

祥仔獲陳禛錫錫