圖：四名90後在2016年年中創立「iSEE」，希望透過手機應用程式幫助失明及弱視人士融入社會 受訪者供圖
訪問在九龍塘創新中心、他們的臨時辦公地點內進行，四人中，只有Michael、Derek及阿Ching出席，John因大學課程未畢業，需要上堂所以缺席。談及他們為何放棄收入穩定的打工「安樂」世界，挑戰那起伏不定、隨時血本無歸的創業殘酷世界，Michael斬釘截鐵稱是因為一份執著，「我哋四人還年輕，輸得起。有啲事係我哋一班90後應該要做嘅，我哋好清楚，如果呢一刻，我哋貪戀安穩嘅話，再過五年或者十年，我哋就會冇咗呢份熱情，到時唔好話創業，可能連打份工都擔驚受怕，怕失業又怕減薪，搞到冇曬志氣。」
青春無限，他們無償付出，屢敗屢試。「無可否認，因為我哋年輕，可能好多嘢諗得唔夠周全，出去同人開會時，會畀人話唔知我哋講乜，但我哋唔驚，我哋可以錯，錯完可以改，之後不斷學習改進，我相信只要保持幫人嘅心，一定會成功。」Derek說。
