圖：Michael畀一句恭賀語難倒，NG咗幾次\警隊fb圖

　　除咗《警訊》以外，香港警方仲有途徑向市民發放信息嘅，其中一個就係facebook啦！鄭晴留意到，原來尋日係警隊facebook成立兩周年，警隊仲上載一條短片，片中有位自稱係警隊facebook星級報道員阿安，話而家警隊facebook已經有12.4萬個like（讚好），仲話好想講一聲生日快樂添！除咗阿安，仲有一位星級嘉賓祝賀添！究竟係邊個？就係做飛虎隊形象深入民心、你以為佢真係飛虎隊嘅藝人王敏德（Michael）。

　　「柴九」幫手宣傳防罪

　　其實警隊設立facebook專頁，都係想市民了解多啲警隊，仲有防罪宣傳，希望大家唔好畀人呃。講到呢度，「柴九」哥黎耀祥就話：「無論你人生有幾多個十年，被騙徒呃一蚊都嫌多。」短片上載三個鐘，就有300幾個like，好少嬲嬲，證明市民都幾受落。

　　警隊facebook知道大家鍾意Michael，仲專登上載一條Michael嘅蝦碌片。估唔到威風八面嘅Michael，會被一句祝賀說話難倒，仲NG幾次添。不過Michael最後都成功講到祝賀警隊facebook成立兩周年嘅對白。鄭晴都希望愈嚟愈多人like警隊facebook！