大公產品

首頁 > 文章 > 正文

改編《水調歌頭》 大嘥鬼出嫦娥版

時間:2017-10-06 03:15:18來源:大公網

  中秋佳節賞明月,唔少人都會諗到月宮嘅嫦娥仙子。只不過,呢個嫦娥就有啲重口味啦。環境局吉祥物大嘥鬼前日喺Facebook化身嫦娥,一身古裝,攬住玉兔,自稱係「嫦鬼」同「古代美鬼」,造型令人噴飯。

  「不知月餅空罐,今夕何處置?」

  向來行搞笑路線嘅大嘥鬼今次轉咗文藝腔,改編蘇東坡嘅《水調歌頭》做《鬼調歌頭》,先用「明月今晚有,月餅堆上天。不知月餅空罐,今夕何處置?」提醒市民要回收月餅空罐,保護環境。接住又話「鬼欲乘機出去,又恐熒光污染」,提醒市民唔好玩熒光棒等。最後以「即棄不應用,起筷自準備,少棄在人間」,提醒市民唔好用即棄餐具,應使用自己準備嘅餐具。

  讀完一次唔夠過癮?唔緊要,留言區仲有超級洗腦嘅結他伴奏版,大家不妨聽多幾次。大嘥鬼節日都「扮鬼扮馬」咁落力,我哋又點可以再搞浪費污染,辜負佢一番苦心呢?

最新要聞

最新要聞

最受歡迎