被取消議員資格嘅社民連梁國雄（長毛），最近喺街頭畀人鬧爆！事緣佢有日出席完聲援「良心犯」活動之後，途經佐敦港鐵站，遇到愛港行動召集人陳淨心，被對方痛罵一番。不過，長毛事後似乎唔知醜，仲喺Facebook上載自拍被人鬧嘅短片添。
網民：好想用掃把趕佢走
約兩分半鐘嘅短片所見，陳淨心表現激動，多次上前鬧爆長毛，仲不時夾雜「助語詞」：「香港咁好嘅地方就係畀你呢啲人搞亂」、「你喺中國人嘅地方搞事啊，賤人」、「啲街坊都話你啊！X街！」與陳淨心同行嘅朋友亦加入戰團，大鬧長毛「英美漢奸」、「走狗」，部分人就用相機影返長毛轉頭，之後就過馬路離開。
有網民就話雖然講粗口係唔應該，不過長毛確係乞人憎，讚陳淨心替港人出聲。亦有人形容長毛係「過街老鼠」，好想用掃把趕佢走喎。
