網名「圓咕碌」、前中大學生會常務幹事黃于喬，近日又發布有味「獨」片，有咩特別？如果有留意網絡嘅動向，都知道「圓咕碌」鍾意露肉，賣弄性感，不時以赤裸相片示人，企圖行「色情播獨」嘅路線。今次短片雖然無赤裸示人，不過佢着住一件Bratop（見圖），鏡頭就高炒落去，講嘢嗰陣上半身又不停擺動，隻手又有意無意咁指向自己心口。佢係咁講啲嘢，不外乎貼「港獨」標語係行使言論自由，無論校方同唔同意，呢個言論自由都要尊重諸如此類。
直至昨日為止，呢條片有九萬次瀏覽。啲留言就相當意淫，網民Ascar Chan就話：「色香味俱全。」另一網民Vitali Klitschko就話：「姐姐點解你咁少布？」由此可見，「港獨」分子就係透過呢啲手段去招攬支持者㗎啦。
另外，佢尋日喺facebook又出帖，力撐中大學生會前幹事袁德智，「就算話題係『港獨』，問題何在呀？」市民真係要小心提防啦！色字頭上一把刀呀！
