香港係一個法治社會，但點樣可以畀小朋友認識基本法呢？呢個就有啲技巧啦！政制及內地事務局聽日同後日，喺屯門市廣場一期一樓中央廣場舉行一個基本法工作坊，當中有大型基本法棋盤遊戲、基本法互動劇場，仲有手工藝工作坊添，畀小朋友可以從中認識基本法。到底手工藝工作坊同認識基本法有咩關係呢？其中一個工作坊就係手造卡祖笛。首先，卡通卡紙已經印有基本法條文，經過剪剪貼貼，最後用卡紙包裝卡祖笛。
