圖：劉江華話歡迎需要呢啲資源嘅朋友領養棄書 大公報記者張月琪攝
拋棄圖書，大家都輸！康文署成日畀人話係大嘥鬼拋棄圖書，不過民政事務局局長劉江華尋日就話，其實好歡迎需要呢啲資源嘅朋友領養呢啲書！
劉華局長尋日話，自己之前去咗元朗一間社企Cafe參觀，間Cafe專門聘請邊緣青年，等佢哋發揮潛能。佢話好歡迎年輕人有正向思維，仲會大力鼓勵佢哋喺文化同藝術表演方面有交流。
至於點樣支持呢？除出錢之外，劉華局長仲願意提供「黃金屋」添呀！佢話其實康文署轄下圖書館，不時會有啲過時圖書，如果有社企等需要資源，隨時可以向當局提出，例如如果搞Cafe，可以提供啲教沖咖啡嘅書、搞環保、種植又可以提供類似嘅書籍，希望可以善用資源！
