大公網9月13日訊 （記者李淇）「聰明是種天賦，善良是種選擇。」今日係「2017香港品格日」，由港鐵主席馬時亨個女馬露明牽頭創立既品格教育協會，今年就請咗七位品格大使，宣傳同推動良好品格，除咗爸爸嘅老友、行會召集人陳智思之外，仲請埋出名為善最樂既鮮魚行前校長梁紀昌、「深水埗明哥」等人嫁！
今年品格日主題係「善良Kindness」，陳智思（Bernard）就即場分享自己經歷，話今年8月底為左撐一班香港無家者踢「2017無家者世界杯」，即使係行程緊迫情況下，都堅持用26個鐘來回挪威，響當地留12個鐘。Bernard話，「睇落去好似係我幫港隊打氣，但其實係我著上佢地件波衫嗰刻，佢地畀到我身為香港人無比既驕傲。原來幫人嗰個係仲快樂嫁！」
一直「我為人人，人人為我」既明哥亦深有同感，話見到最近啲年輕人動輒就用涼薄冷血既字眼攻擊唔同立場既人都不禁嘆息，「其實年輕人好應該學下點樣去放低仇恨，寬恕別人啦，因為永遠記住個仇恨點都唔會開心。」明哥寄語年輕人多啲去了解社會需求，培養正能量同愛心，希望佢地做返一個真正有愛心、有同理心既性會棟樑。
