大公產品

首頁 > 港聞 > 正文

中大新亞學生會死唔認錯

時間:2017-09-13 03:15:09來源:大公網

  圖:黃乃正上周六發公開信譴責周豎峰行為「粗暴惡劣」/中大圖片

  中大學生會前會長周豎峰以粗口及「支那人」辱罵內地生,中大新亞書院院長黃乃正上周六發公開信譴責周行為「粗暴惡劣」。新亞書院學生會就發公開信為周豎峰護航,指黃於事件未調查清楚就要周反省己過,又公開學生姓名。不過,學生會喺信件上款就特登寫錯院長個名,將「正」字打咗做「共」字。

  校董會副主席撐院長

  新亞書院學生會幹事方潔儀尋日喺電台節目為事件解畫,竟聲稱係「出於手誤」,仲話會考慮同黃乃正道歉咁話。佢又話,學生會事後已發出更正版本,但「按慣例仍然保留舊版。」方潔儀仲話已經主動約見黃乃正,學生會都會討論點處理事件,仲聲稱第日發稿前會謹慎閱稿。

  中大新亞書院校董會副主席陳志新都話,學生嘅解釋邏輯上不能接受,希望學生會可以誠心道歉。佢又力撐黃乃正做法適當,認為做教育事業若有問題就應提出,提點學生係應該嘅。陳志新仲話,學術和言論自由很重要,但若出現偏差就應作糾正。

  查實大學生飽讀詩書,錯就要認啦。好多網民都睇唔過眼,有人直指,而家學生講大話「連眼都唔眨」。新亞書院校訓係「誠明」,唔單係周豎峰愧對新亞創辦人錢穆先生,滿口胡言嘅學生會更是欺師滅祖!

  鄭晴

最新要聞

最新要聞

最受歡迎