多間本港大學近日瀰漫「港獨」歪風。中大聯合書院理學院一年級生楊文俊聲稱要發起校內聯署，收集一千名學生支持，要求中大學生會就「港獨」議題進行「公投」。楊同學接受媒體訪問嘅時候聲稱，「公投」可以全面反映中大學生嘅意見，平息無日無之嘅政治紛爭喎。
其實，楊同學成個建議都係得啖笑。首先，基本法第一條已經講到明，香港係中國不可分離嘅一部分，「港獨」主張本身就同基本法相違背，亦完全無討論空間。其次，基本法並無「公投」制度，反對派提倡「公投自決」，就係違憲例子，楊同學係咪好學唔學先？與其搞不倫不類嘅「港獨公投」，楊同學不如了解清楚咩叫基本法同「一國兩制」先出聲啦。
