大公網9月12日訊（記者龔學鳴）教育局副局長蔡若蓮經歷喪子之痛後，教育大學民主牆出現對蔡若蓮人身攻擊嘅冷血標語，但教育大學學生會會長黎曉晴不但無動於衷，反而用道德無絕對標準，無人有道德批判權嘅言論為學生開脫。
「從來沒聽過為人師表者會說道德是沒標準的」，行政會議成員、民主思路召集人湯家驊（Ronny）喺電視上聽到黎曉晴嘅言論，都忍唔住要喺社交網站發話。他感嘆話，唔知呢位會長代表咗幾多教大嘅學生同年輕人，更唔知教大校長張仁良同校董馬時亨聽咗會有和何感想，但佢自己聽咗卻喺「不寒而慄」。「但願我們的下一代，不要遇上這一類『教師』……」Ronny一句說話，唔知道出咗幾多家長嘅心聲。試問，邊個願意自己嘅仔女喺無道德底線老師嘅教育下成長呢？
