圖：郭紹傑被踢出工會，網民讚好

　　港九拯溺員工會日前喺Facebook專頁貼出公告，話要「DQ」前理事、工黨郭紹傑，永久刪除佢喺港九拯溺員工會會員資格。聲明中批評，郭紹傑出任工會理事期間，經常領取工傷病假，但同時高調參與社運，唔單止違反公務員必須保持政治中立嘅原則同誠信，仲引起大部分會員不滿，影響救生員行業聲譽。加上郭紹傑早前未經理事會批准，多次無視勸喻情況下，聲稱自己代表工會接受傳媒訪問，更加係違反工會內部指引，嚴重影響工會誠信及公信力，所以工會內部會議後，決定永久刪除佢嘅會員資格，即日生效。

　　其實郭紹傑身為公務員，政治立場偏頗就世人皆知啦，2014年仲公然參與非法「佔中」，聲稱自己係糾察，喺金鐘飲酒作樂、吔文吔武，而家詐病去搞搞震一事敗露，唔少網民都開心「些牙」紛紛讚好，話呢個決定簡直係撥亂反正，大快人心！

　　網民Daniel Leung話：「一路都欣賞救生員呢份職業，自從郭紹傑掛名後令所有救生員蒙污，及早劃清界線是正確做法！」Ray Kwok仲大讚工會「天地有正氣，支持工會決定。」有網民覺得應該革扯郭紹傑，網民陳偉雄留言話：「不只除去會員，還要把他革職，因為時常用病假去搞所謂運動，浪費納稅人的金錢。」

　　鄭晴