新任海關關長鄧以海（Hermes）尋日首次與傳媒茶敘，但新聞官事前要求電台電視台記者只可拍攝，不可錄音，令唔少同行感到奇怪。
鄧Sir都唔好意思，原來佢上任前已有少少感冒，可能唔小心咳得太大力，令聲帶受損，做咗關長後工作更加繁忙，近日就飛到比利時出席世界海關組織會議，令病情近日嚴重咗，變得「聲嘶力竭」，佢已經安排做手術，希望早日康復。鄧Sir又話，自己平日最愛飲奶茶，以前一日最少三、四杯「唔飲唔舒服」，但為咗盡快開聲，唯有乖乖聽醫生話戒口。
