圖：喺維港美景下玩泡泡，諗下都開心 /大公報實習記者黃璟瑤攝
「吹泡泡」呢個玩意老少咸宜，係唔少大人嘅童年回憶。想唔想試嚇畀萬千個泡泡包圍？機會嚟喇！未來三個星期嘅星期五、六、日，海港城將會舉行20場「泡泡秀」，維港美景下玩泡泡，夠曬夢幻，打卡邊有得輸。
海港城海運大廈露天廣場呢次搞嘅活動，其實係由日本當代藝術家大卷伸嗣策劃。屆時廣場中央場會安裝一個三米高嘅泡泡金字塔，仲會有45部泡泡機，喺唔同方向同高度，15至20分鐘內發放近1000萬個泡泡。仲留喺室內嘆冷氣？不如出去一齊浸嚇泡泡浴喇，但切記要帶定衫更換喎！
