大公網8月2日訊：政府新班子上場後不斷展現新風，多咗使用網絡同市民接觸。商務及經濟發展局尋日就係Facebook開通咗專頁，以「迎商」兩字做頭像。商經局局長邱騰華（Edward）話，希望透過呢個平台，同大家多溝通交流，一齊做好準備，迎接商機。
Edward局長又玩食字，話「迎商」嘅「迎」亦可以係經營嘅「營」、盈利嘅「盈」同型格嘅「型」，指年輕人創業都係一件好「型」嘅事，專頁會將一些港人營商、創業嘅小故事放上去，接觸更多人。專頁首先推銷「香港電競音樂節」，旅發局總幹事劉鎮漢都拍片作推介，指活動除咗吸引本地年輕人之外，仲可以針對短途客源巿場，例如日韓、台灣同東南亞嘅旅客。年輕人亦可以「寓工作於娛樂」，發展事業，實現夢想。
商務及經濟發展局開通Facebook專頁
