圖：星星局長同高鐵和諧號自拍，形容係綠色出行
高鐵好處多到數唔曬，仲係現時嘅綠色交通之一。一眾政策局局長中，最勤力上Facebook、最叻玩Selfie嘅環境局局長黃錦星，日前返內地試搭高鐵，當然唔會錯過機會，立即同高鐵和諧號自拍，形容係綠色出行，勁讚「高鐵便民通關，可更便利你我綠色生活，低碳出行。」
星星局長唔係齋噏㗎，仲引用數據指，高鐵有助減少氣體和污染物排放，碳排放量只係飛機嘅15%、汽車和巴士的25%，而且高鐵西九龍站係以領先未來既環保建築規劃，公共空間、綠化步行道總面積高達六公頃，成為公眾可享受嘅城市綠洲，咁先稱得上係便民與低碳。鄭晴認同局長之言呀！
