圖：中國香港跳繩代表團一行120人於亞錦賽成亞洲杯六連霸
中國香港跳繩代表隊又創佳績，為港爭光，喺「第九屆亞洲跳繩錦標賽」成為大贏家，奪得91面獎牌（27金、35銀、29銅），比上屆足足多咗12面獎牌，六連霸亞錦賽。唔講你唔知，今屆參賽隊員多數係第一次參加國際性比賽，面對唔同地方嘅跳繩精英，佢哋照樣表現出色，憑住穩定嘅水平，打破三項亞洲紀錄，分別係「15歲或以上男子4×45秒交互繩速度接力賽」、「15歲或以上女子4×30秒單人繩速度接力賽」，以及「15歲或以上女子4×45秒交互繩速度接力賽」。
除咗破紀錄，仲有新星誕生，青年運動員簡裕榮、劉卓嵐分別贏得14歲或以下個人賽男女子總冠軍，成為新一代亞洲跳繩新星。團體組都有驚喜，團體HK16贏得女子14歲或以下團體總成績冠軍。鄭晴話你知，佢哋完成喺韓國仁川舉行嘅亞錦賽，今日凱旋返港。
