圖：黃錦星尋日去行書展仲同年輕人對談
書展尋日煞科，環境局局長黃錦星都唔想錯過呢次機會買書，帶埋大嘥鬼去行書展，仲同年輕人對談。佢透露，細個喺屋企附近後山溫書，環境真係唔錯，成績都好似好咗唔少，之後就養成行山習慣。星星局長而家每逢周末就行山，佢尋日喺書展買咗四本書，包括《一脈山城》，仲同班青年介紹書內有佢去過的地方。
星星局長話，咁多年行山經驗，見過野豬、黃麖，最驚嚇係遇過兩條「飯剷頭」毒蛇，幸好當時兩條蛇自己掛住打交。
講到必到景點推介，佢就勁推荔枝窩，因為嗰度有地質公園，仲有幾百年歷史的客家村，客家文化完好保留，結合環境生態，真係值得搵時間去遊玩嚇。
