網民斥枉為人師
圖：林慧思即日起自行刪除其Facebook帳戶
「粗口教師」林慧思早排被教育局發信裁定違反教師操守，鄭晴日前踢爆佢喺Facebook搞直播盲撐被DQ嘅劉小麗，仲教學生仇視國家，唔止鄭晴睇唔過眼，好多網民都大鬧佢「枉為人師，誤人子弟」。
呢個反面教員的荒謬言論，連同教協借戶口給劉小麗等四人籌訟費的消息，禮拜三經《大公報》獨家報道後，震驚學界和社會，美加網站也廣泛轉載有關報道。這位林老師的直播也被廣泛轉發，有市民不齒其行為，擔心佢繼續荼毒學生，紛紛打電話去學校投訴。
林慧思似乎也感受到民眾的憤怒，終於喺消息見報當日（7月19日）在其Facebook透露「由於受到猛烈投訴」，又語帶不屑地揶揄一番，即日起自行刪除其Facebook帳戶，仲話自己只係因敢言作風而失去言論自由，簡直係死雞撐飯蓋。
林慧思上星期喺個人Facebook搞直播，大罵特首林鄭月娥無心修補撕裂，話林太一上場就DQ四人，仲話「劉小麗講得慢都話唔尊重，政府玩曬啦！」最過分嘅係佢又引導學生要仇視國家，口口聲聲話「國歌我打死唔會唱，升國旗你咪升飽佢，我當睇唔到。」佢尋日話，校方已要求約見佢，但係佢因情緒不穩，暫未見面。其實，鄭晴同一眾網民一樣，都唔希望佢繼續誤人子弟，希望佢真係好好反思己過啦。
