利物浦隔咗十年，終於返嚟香港作賽，一眾利記球迷梗係開心到暈啦！唔少政界人士前晚都有去大球場，睇利物浦對戰水晶宮，民建聯立法會議員陳克勤、劉國勳，中西區區議會副主席陳學鋒都成功有飛入場。 國勳話，識睇，肯定睇利物浦，好彩利記主要成員都有亮相，陣容簡直係星光熠熠，佐敦軒達臣、羅拔圖法明奴及拉爾拉拿都有正選上陣。國勳仲話，最興奮就係見到童年偶像麥馬拿文。利記最終無令到大球場四萬球迷失望，2比0輕取水晶宮。
不過呢，國勳亦留意到，原來精彩賽事背後，有着世界上最遠嘅距離，就係利物浦喺身後，但又唔可以回頭相望嘅保安人員。國勳見佢哋咁敬業樂業，向佢哋致敬呢！
