大公網7月11日訊（記者 龔學鳴）到底高鐵香港段嘅進度係點，西九龍總站到時係點樣，大家可能未必清楚。不如等黃心穎同大家講解下啦！港鐵近日喺facebook發帖，今次港鐵已經上載咗兩條一分鐘嘅短片，港鐵繼續搵嚟心穎BB介紹高鐵。第一集，心穎BB就見到一堆數字，但當然考唔到佢啦！90，就係指廣深港高鐵香港段已經完成90%。港鐵總經理（高速鐵路）鄧維勇就變成Simon sir，繼續考下心穎BB。到底西九龍站入口到底係點呢? 原來9組巨型支柱已經連接到175米嘅V字型橫樑。
至於4000，就係指總站入口幕牆嘅4000塊玻璃組件預計今年第三季就裝好。此外隧道嘅路軌已經鋪好曬。西九龍總站地面就會變成大型綠化空間。港鐵希望朝住出年第三季呢個目標完工。
嚟到第二集，心穎BB就話，高鐵列車符合國際安全標準，第時係西九龍總站上車，就可以直達廣州，唔駛轉車，只需48分鐘，相當方便。
