大公網7月11日訊（記者 龔學鳴）大家有無聽過門薩學會（Mensa）呢?新民黨主席葉劉淑儀今日獲門薩學會邀請食飯，葉太就喺facebook發帖，話呢個學會其實喺1946年創立是由一群擁有高智商嘅專業人士所組成。入會條件呢，係要先考智能測驗，獲得優異成績才可以入會。葉太仲話，自己一早有聽聞呢個學會，而自己嘅寶貝女都係會員添。
香港分區的主席Renee就話，學會遍及全球百多個國家，香港分區現有五百多位會員，來自不同專業界別。今次聚餐有三十幾位成員，男士較多，而且仲好年輕，有學生，亦都有好多不同專業嘅年輕才俊。最有趣嘅係，葉太喺飯局上竟然遇到十年前幫佢拉票嘅後生仔，呢位後生仔仲有收藏當日派發嘅宣傳單張。今次聚餐，葉太同呢班後生仔傾得好開心，仲希望未來可以有機會同呢班「聰明人」聚會呢！
