眾多跨黨派立法會議員都前來支持!
大公網6月15日訊 的士業界近年屢受挑戰，除咗鬧出非法取酬風波嘅UBER，政府亦推出專營的士試驗計劃，不過歸根究底，最大挑戰都係部分的士司機服務態度惡劣，影響傳統的士行業名聲。有見及此，香港的士業議會就推出的士禮貌運動，挽回聲譽!
參加運動之的士將在車內貼上有關指示。
幾百部參與運動嘅的士，喺嚟緊三個月內，會喺車內貼上司機須知同乘客須知，印有「不拒載、不揀客、不兜路」嘅「三不指示」，提醒司機維持良好嘅服務態度，之後再作檢討。香港的士業議會主席熊永達話，今次運動只係的士業改革嘅第一步，的士會回歸服務行業嘅根本，希望乘客感受到「客人為主」嘅服務態度。
運動開幕典禮有跨黨派立法會議員前來支持，典禮去到一半突然落起大雨，咁多位「的士大哥」立即發揮服務本色，車曬成班議員返立法會，服務相當周到呀！
