圖：荷蘭抵港客機九霄驚魂，受傷女子送院
經歷九霄驚魂的乘客事後形容，當時有如「坐跳樓機」，亦有空姐稱是入行20年來第一次遇上如此強烈氣流。
「架機好似跳樓機咁chok一chok……我以為墜機！」英國留學轉機搭肇事航班返港的范小姐，落機見到家人，不禁相擁。她猶有餘悸，憶述機長表示將抵達香港時，廣播突然「停一停」，「feel」（感覺）到有問題，立即拉着前面座位，當飛機急墜一刻，「我驚到嗌咗一嗌，好似墜機咁……」范稱隔籬位的男乘客被拋起，撞向頭上的行李架，又見到很多人撞傷頭，有人感到暈眩，須戴上氧氣罩協助呼吸。
另一名女乘客高小姐稱，「架機急降幾十呎，feel到好大離心力，見到好多人同埋啲雜物一齊飛起，撞向客機天花板，隔咗兩三秒先跌返落嚟，好多乘客都大聲尖叫，好驚！」她看見後面的一名男乘客「飛」起撞及天花板，眼鏡亦跌爛，喝的咖啡濺上天花板。她慶幸習慣全程扣上安全帶，避過一劫。
