圖：自由黨嘅陳浩濂喺山頂舉辦「循環回收大行動」，收到約兩噸嘅衣物、玩具，不乏名牌嘢 陳浩濂提供
山頂區居民出名富貴，所謂家中「垃圾」，隨時可能係寶物。山頂區區議員、自由黨嘅陳浩濂（Joseph），不時舉辦「循環回收大行動」，日前就喺麥當勞道回收物品，竟然回收到約兩噸嘅衣物、玩具等物件，當中不乏名牌，包括Bally、Ferragamo嘅皮鞋，Brooks Brothers、Valentino嘅衫，Sony、Sharp嘅電視。Joseph同鄭晴講，回收到嘅物品，將捐贈畀救世軍作慈善用途，佢又話山頂區居民一直都有喺唔同層面回饋社會，今次活動就反映咗佢哋樂善好施嘅精神，佢亦計劃之後組織更多同類型活動，帶出支持環保、樂於助人嘅理念。
