圖：端午將至，又係扒龍舟好日子。吳永嘉憶述廿年前備戰點滴
端午節就嚟到，香港唔少公司、團體以至專業人士組織都鍾意自己組隊參加龍舟賽，鄭晴我就無扒過龍舟，不過工業界立法會議員吳永嘉（Jimmy）就有試過，但已經係廿年前嘅事啦！
Jimmy話當年廿幾歲，啱啱出嚟做嘢，唔太記得係用咩身份參加扒龍舟，估計可能係代表香港律師會出戰，但有一樣嘢佢記得好清楚，就係當年用咗六個星期日練習，扒到腰酸背痛，之後佢就無再落場喇。
唔參加比賽都有好多方法參與嘅，Jimmy過去幾年都有去睇廠商會青委嘅龍舟賽事，為佢哋打打氣。不過依家身為立法會議員有唔少活動要出席，所以端午節當日未必抽到時間去睇比賽，真係可惜。
